نشرت جريدة الشروق فى عددها الصادر فى 2/8/2009 هذا الخبر فى صفحتها الرئيسيه
اخيرا حسم الجدل الدائر بين الفقهاء وصدرت فتوى بناء على سؤال واحد فاضى ،يسأل عن الشرعى من تزغيط البط ..
نعم تزغيط االبط وهل هو حرام لان البط بيأكل غصب عنه ؟ ام انه حلال لانه تسمين ؟.
وجاء الجواب الحاسم الشافى للجدل من احد مشايخنا الاجلاء فى احد المواقع الالكترونيه المعروف برزانته تحت عنوان بارز
(تزغيط البط رؤيه فقهيه)!! وخلص الشيخ فى النهايه ان تزغيط البط جائز لكن بشرط ان يكون تحت اشراف طبيب متخصص..!!
وقال الشيخ :ثبت فى صحيح البخارى عن ابى امامه الصحابى انه قال كنا نسمن الاضحيه وكان المسلمون يسمنون واستدل الامام النواوى والشوكانى جواز تسمين الحيوان على الا يتضرر..
ولكن السؤال الاهم كان يجب السؤال عنه هل يجوز للمرأه تزغيط دكر البط ام انه حرام ؟؟
عجبى..
لايجوز تزغيط الذكر اليط لانها انثى وهو ذكر والتزغيط
ردحذفيحتاج لوضع الذكر تحت الورك لاموآخذه!!
انا ماضحكتش
ردحذفيمكن التعبير خان الشيخ وهو بيقول تحت اشراف طبيب
لان ام ابراهيم مابتروحش لدكتور وهى تعبانه فأكيد مش هتروح علشان البط
بس بصرف النظر عن السؤال التافه اللى المفروض كنا نشغل نفسنا بحاجة اهم من كده
هى المشكلة اننا معندناش ثقافة دينية
ولو حاولنا يبقى عندنابنهتم بالحاجات التافهة ونسيب قضايانا المصيرية
لكن كل التعليق الطويل ده علشان اقول
مش عيب ابدا اننا نستفسر عن كل حاجة
ولو دققنا شوية هنلاقى ان الدين فعلا ليه علاقه بكل تصرفاتنا على عكس ما بيحاولوا يفهمونا دلوقت
بس احنا شعب فئات كتير مننا جعانه دين
نصبر عليهم شوية لغاية ماينضجوا ويبقى عندهم ثقافة ويعرفوا لوحدهم من روح الاسلام تزغيط البط حلال ولا حرام
وبمرور الوقت هيعرفوا لوحدهم ان الجهل والظلم والفساد والرشوة والاستبداد و000000 كله حرام
انا اسفة على الاطالةفى اول تعليق لى عندك
لكن مش اول زيارة
سهيل ولى الدين علام
ردحذفسعدت جدا بزيارتك وقرات الموضعين بمدونتك..
وسعدت بهما..
وشكرا على تعليقك..
لقد خلقنا الله احرارا
ردحذفاولا شكرا على زيارتك.. ثم انك ما ضحكتيش .انا ارجوكى ان لاتضحكى ..كما فى العنوان. مدونتك يااختاه من احلى المدونات التى اوزورها وتابعتها..
ولاأعلم ما سر غضبك وانفعالك وانتحلتى العذر لشيخنا الفاضل الذى افتى بتزغيط البط باشراف الطبيب البيطرى ..وعايزه اعرف مين اللى بيهتم بالحاجات التافهه غير مشايخنا الاجلاء اللى بتدافعى عنهم.
واى فئات فى مجتمعنا محتاجه للدين وعندنا مئات القنوات الدينيه ومشايخنا يعطيهم الصحه ما بيلحقوش
وما بيخجلوش وما بيتركوش حاجه والكل اصبح يفتى بسؤال ومن غير سؤال لدرجة انهم عاوزين يعلمونا غسل الميت فى قنواتهم الدينيه ومفهومى للدين انه علاقه خاصه بين الفرد وربه وتزغيط البط ليس له اى علاقه
بالدين ..
وبعد كل هذه المظاهر الكاذبه تقولى ان هناك نقص فى الثقافه الدينيه..
سامحينى يا اختاه فانفعالك هو الذى اطال ردى على تعليقك.. ولن اترك قرأة مدونتك الجميله ومنتظره زيارتك مره اخرى..
استاذة سلوى
ردحذفمش بالعدد بالمضمون
انا بتكلم عن القنوات الدينية
وكمان انا لسه مقتنعة برأيى اننا محتاجين ثقافة دينية تأهلنا نفهم لوحدنا ان البط ده روح محتاج معاملة راقية شويه لكن الحكاية مش مستاهلة اننا نسأل شيخ نزغطه ولا لا
لان فى حاجات اهم كتير ممكن نسأل فيها
انا معاك تماما انها تفاهه وهيافه بس مبدأ سؤال الشيوخ هو اللى خلانى انفعلت
لكن عارفة حضرتك المشكلة فين
اننا متخيلين علشان فى ناس بتسأل فى حاجات تافهة
اننا المفروض مانسألش
علاقتنا بربنا محدش يدخل فيها
انا معاك تماما
بس يافندم أفهم منين الدين من غير الشيوخ
احنا معندناش كهنوت فى الاسلام ولما احتاج حاجة من ربنا سبحانه وتعالى انا بطلبها منه بدون واسطه
لكن ربنا سبحانه وتعالى امرنا نسأل اهل الذكر
انا اسفة على الاطالة لتانى مرة
واسفة على الانفعال
بس معلش انا طبعى حمقى كده
وصعبان عليا بصراحة نقلد اوربا فى الخيبة بس
مش فى الحاجة الكويسة
اوربا هى اللى كان عندها مشكلة مع الكنيسة ورجال الدين فى العصور الوسطى وهى اللى قررت تتخلى عن دورهم ووجودهم
احنا مالنا بكل الكلام ده
يارب اكون وصلت وجهة نظرى
يارب اكون مش زعلتك منى
يارب ماتكونيش نمت وانت بتقرأى تعليقى
اختى لقد خلقنا الله احرارا
ردحذفوصلت وجهة نظرك ولايمكن ازعل منك ..انتى بعتبرك المصريه الصميمه..
عزيزتي سلوى، البوست ده بيجسد ليه ينطبق علينا بيت الشعر "يا امة ضحكت من جهلها الأمم" - هي دي ثقافة المجتمع حالياً، وهي ثقافة تودي لورا وتمنع اي نوع من التقدم...
ردحذف